Ode on ’t kamp van vrugger
Geschreven door dingske
Vrugger wast niks anders dan haai en zand
Mo de keuning gink is oep reis
En zoë buitesloape is ok ambetant
En toen zette em hie e paleis
Toen kwamp er ‘t Kamp van Beverloo
En de keuning zee “Bon-bon”
En schoën braave maskes verkochte “coco”
Veur ne cent oep de plas de Canon.
Zoë kwamper os deurpke in ’t midde van ’t bos
En de huize waare van stroët
En on de karmèl stont ne kios
Veu de honde in tijt van noët.
Toen kwam den tijt van de veul soldoate
En mee de soldoate diëste cafees
Iederiën dee wa tem nie kost loate
En de muziek spelde pardeblees.
Toen wierder hie hiël wa menuuse verschoote
Zoewel int Vloms as int Frans
Toen moeste de joenges veut leger nog loote
En dieje der nie bij was had chans.
Toen was het fantastis veu de kommérs
In de cafeekes was er plezier
Het eete was goe en het vliës was vés
En soaves droenk iederiën bier.
Noa den taptoe goenk dan iederieen sloape
Mo de manne die waare nie muug
Die stonte dan oep veu kartoeche te roape
En ze ropte tot smeurreges vruug.
De maskes verkochte toen drank en crème
En lings en rechs soeveniers
En soaves zeeje ze oooo… je tème
Oep den allée des soepiers.
Zoë kwampe en goenke der veul piotte
Ze verteerde hie geld dat tgoest
Doa waare serieuse mo doa waare ok zotte
En die bleeve hie omdat tmoest !!!!
Woar is den tijt van de Cavalerie
Van maneuvers en rappelees
Toen iederiën lussterde , wille of nie
As klèroens blieze in de karees.
Oo park royal , Oo malakoff , Oo pjeirepoel
Oo schoënen tijt van feir la koer
Gelle wet wel wa dakik bedoel
Revjein veu tuu ee parlee mwa damoer……..